OTHO Bruckmannus

OTHO Bruckmannus

Friderico Holsatiae Duci Persicae Legationis, immensis sumptibus susceptae, suasor, eidem cum Ph. Crusio praefuit. Revaliam mari itum, inde Narvam, Novogardiam, moscoviam, iter suum direxerunt; tum pervenêre in fluminibus Mosca Columnam, Okka Nissinovogardiam, Volgâ Astracanum: Mare Caspium traiecturi, naufragium passi sunt, sed ad Niasabath evasêre: Inde per Ardebil et Casvinum, ad Metropolim Ispahanum perventum. Cum legatione defuncti essent, per Kilanum seu Hircaniam et Mokanum, iter institutum. Debentô egressi apud Tartaros Dagestanos in Albernia transierunt, inde per Terkios, Circassios, donec in Moscoviam reversi priorem viam temetirentur. Redux Bruckmannus capite luit, in Legatione admissa. Vide Phil. Iac. Spenerum Syll. Geneal. Historica et Adam. Olearium Itiner. Pers.